أهيم في عالم(ن) ثاني ..
وأنا أكتب في وصفكـ ..
فـ ثنايا أوراق مخـتومه
بخـتم الحب و الشوق ..
وبـ حبـر الغلا اللي ماخذ .. من إحساسكـ أحاسيسه..
و ألوانه و تنسيقه .. و لوعة لهفته و الذوق ,,

أجي أكتب حروف اسمك ..
أشوف الحبر مو راضي أبد يوقف !!
أثاري هالجماد اللي بلا روح ..
يجاريني بهوى اسمك .. وينافس في غلاكـ ..
ويحدد لي سطور(ن) ما أعديها .. وأكرر فيها بس اسمكـ !!
جماد(ن) عاشق(ن) مجنون !!

تركت الحـبـر في حاله ..
تجي من بعده الأوراق !!!
لو أمسح حرف من كلمه يماثل حرف في أسمك ..
أشوف إنها تقاومني .. ما ترضى أزيل حروفكـ الحلوهـ
من قلبها .. من روحها ..
بلى من وين جاتها روح .. وهي أوراق ؟!!

حبر و أوراق هيمانه ..
و عشقانهـ ..
وأنفاسي أنا ما أشوف لها طاري ..
سوى همساتها باسمكـ !!

.
.

أبقفل درجي الأول ..
على أوراقي و أحباري ..
وأبقطع كل أنفاسي ..
أجل صاروا لكـ يحبون !!
وأنا مفتون !!
وهم يدرون !!

بخليهم مَــثـَــل ما صار ..
ما بفتح لهم أبداً ..
خل اللي يفكر أنه يشاركني فـ هوى اسمكـ ..
بس فـ هوى اسمكـ ..
يعرف وش مصير اللي يجاري سعود .. لا غار !!

,,

,,