Untitled 11

النتائج 1 إلى 6 من 6

الموضوع: تحت نعال المليونير

  1. #1

    تاريخ التسجيل
    Sep 2008
    الدولة
    سورية
    الجنس
    ذكر
    المشاركات
    2
    الاهتمام
    الرياضة والرسم
    معدل تقييم المستوى
    0
    SMS

    افتراضي تحت نعال المليونير

    بداية القصة قديمة كتير قبل حوالي 11 سنة كنت بأول طلعتي شب صغير لسا ما شاف من الدنيا شي وما بعرف أي حدود للافكار و العواطف . كل صباح كنت متعود اطلع على سطح البيت و شوف الصبية الحلوة و هي رايحة للمدرسة وعند الظهر انطرها على احر من الجمر وهي راجعة من المدرسة و راكبة جنب ابوها بالسيارة الفخمة كان ابوها يسلم عليي ويقلي مرحبا عمو وانا رد التحية بخجل وانا عم اطلع بعيون لمى أي كان اسمها لمى ....وما احلى لمى كل يوم كنت حس بلهفة اتجاهها وانا لسا ما بعرف شي اسمو حب وكان ابي زلمة على قد حالو بيشتغل و بيشتغل و بالاخر ما في شي كان مرات بيشتغل عند ابوها للمى وكنت انا اخجل لمل شوفو كنت حب انو يكون ابي متل ابوها غني ومعو مصاري كتير يوم ورا يوم انا كبرت وقررت انساها وانسى كل شي بيذكرني فيها صرت ارجع عالبت من دون ما امرق من قدام بيتها واذا بشوفا من بعيد اهرب وفوت عالبت و فعلا قدرت يمكن انساها دخلت بعدين الجامعة ودرست بقسم الهندسة الميكانيكية وبالجامعة كنت من الشباب المميزين بالنشاط والادب والاخلاق والمظهر اللائق ممشوق القامة طويل ورياضي من الطراز الرفيع وبالجامعة كمان شفت كتير بنات وكتير بنات توددولي بس انا كان فيي جرح كبير وكسر طبقي كبير صرت مو قادر اني حب حدا و صرت اكره حتى نفسي كمان ما كنت متصور انو بنت ما حكيت معها ولا مرة تقدر تعمل كل هاد فيني كنت مكسور الخاطر ومجروح من جوى و بليالي كتيرة كنت اطلع على سطح البت وشوف القمر والسما وتاخدني افكار و تجيبني افكار وبقول آه انا لي كان نصيبي بالدنيا هون لي ما خلقت بعيد عن هون لي كل هل كسرة واليأس كنت حابب انو حدا يحبني يسألني كيفك؟ تعبان. مين تعبك؟ زعلان. مين زعلك؟ حدا اقدر احكيلو كل شي وحس اني مالك الدنيا بقربو حدا يقلي بحبك انت لانك انت شخص يحس فيني ويشوف بعيوني ويسكن بقلبي بس بالاخر كنت لاقي حالي وحيد مع نسمات الليل والهدوء الكئيب وارجع لفراشي كفي نومتي و اصحا بكير لروح عالجامعة . و بالصيف كنت انا متعود اني اشتغل شغل يمكن الحيوانات ما بتقدر عليه لحتى طلع مصروف الكلية وصدفت مرة باحدى الصيفيات اني كنت بشتغل جنب بيت لمى بعيد شوي عنو وكانت حالتي حالة فالطين والوسخ كان لابسني لبس وفجأة سمعت صوت و صريخ فركضت و رحت باتجاه الصوت وانصدمت لما شفت ابو لمى بيصرخ على ابي وكان ابي من النوع الطيب يلي بيحترم الجار وما بيزعل حدا اما انا جنيت وما قدرت اتمالك نفسي فهجمت عليه و كانت كل العذابات والايام السودا عم تنرسم بخيالي وقدام عيوني كنت .حابب كسرو مع سيارتو الفخمة بس ردوني الناس ومن هداك اليوم عرفت انو يلي معو قرش بيسوا قرش ويلي ما معو ما بيسوا شي . المهم بعدين صرت العب حديد وصارت عضلاتي بتخوف وتفاجأت انو الناس صارت تهاب مني انا ما كنت عرفان انو قيمة الانسان بمصاريه او قوته ومو بعقله وافكاره وكانو حدا مسك الدنيا وقلبها بكل مفاهيما ومبادئها وبعد فترة قدرت خلص من الكلية بمعدل عالي واتخرجت وطلعت عالحياة كمهندس جديد فتي ووحيد القلب والروح اشتغلت شوي وزادت خبرتي بالعمل والحياة واليوم انا هون بكل احلامي البعيدة والجديدة وكل آلامي وجروحي واليوم آخر يوم بحياتي التعيسة بين الناس يلي عرفتها و عاشرتها باستثناء اهلي طبعا واصحابي يلي كتير حبيتن كتير وحبوني كمان وساعدوني وبكرى بدي سافر و بدي اترك كل شي ورا ظهري بس عمري ما رح انسى احلى عيون شفتا بحياتي واحلى عيون ما قدرت حاكيها ووعد اني يوم ما حب أي بنت تانية ورح ارجع لما صير قادر اني حبها من دون ما خاف لما صير متل ابوها المليونير وبعرف اني يمكن ارجع و لاقي نفسي خسران البنت يلي حبيتها بس انا ما بدي اسمع اليوم منها او من ابوها كلمة ( ابوك بيشتغل عندنا ) انا بعرف انو الشغل مو عيب بس كمان بعرف كتير منيح كيف بيفكر الاغنياء بطريقتهن الغبية و اخيرا الوداع ...... بس راجع ....................

  2. #2
    الصورة الرمزية فصايـل
    تاريخ التسجيل
    Aug 2007
    الجنس
    أنثى
    المشاركات
    16,626
    الاهتمام
    القراءه
    معدل تقييم المستوى
    37
    SMS

    ليتك تحلو والحياة مريرةٌ وليتك ترضى والأنام غضابُ

    افتراضي رد: تحت نعال المليونير

    قصه جميله ..تجتمع فيها كل تناقضات الحياه ..الغنى والفقر..القوه والضعف

    لكن عمر القوة ماكانت في المال ..وعمر الفقر ماكان ضعف ..والمال لايصنع سعاده
    القوة الحقيقيه تكمن في داخل الانسان والدليل انك استطعت الوصول لماتريده بالطموح والأمل والعزيمة وقوة الاراده الصادقه ..لك ان تفخر بوالدك ان كانت هذه قصتك بالفعل ..ولك ان تفخر بذاتك وربما كان الفقر سبباً في وصولك الى ماوصلت إليه ...اذاًكان الفقر هنا نعمةً لانقمه .

    أسلوب جميل وسلس ..شكراً لك أخي ..في انتظار العوده

    دام فيض قلمك
    التعديل الأخير تم بواسطة فصايـل ; 22-12-2008 الساعة 00:39

  3. #3

    تاريخ التسجيل
    May 2007
    الدولة
    Яเчถḏн ๔ίτч ●●
    الجنس
    ذكر
    المشاركات
    7,004
    الاهتمام
    Ίหτєяหєт ¦ Ṃōвเℓє ¦ Ĝกмєẕєṟ ●●
    معدل تقييم المستوى
    20
    SMS

    السّيفَّ يجرحٍ لآ صْآر بيدْ مجنونْ ! مثلٍ ؛ الگلام لآ صآرِ مْن فمُّ ؛ .. جًـآهـِلْ ║▌│█│║▌║││█║▌│║

    افتراضي رد: تحت نعال المليونير

    اشكرك اخي ع قصه

    دام نشاطك

    احترامي

  4. #4
    الصورة الرمزية رغــد
    تاريخ التسجيل
    Feb 2006
    الدولة
    عالم الأحلام
    الجنس
    أنثى
    المشاركات
    9,617
    الاهتمام
    الرويات
    معدل تقييم المستوى
    28
    SMS

    ( مهما بلغ ذگاء الرجل لا يستطبع على دهاء امرأه )

    افتراضي رد: تحت نعال المليونير

    هذي الدنيا طبقااات ..
    فيه الغني وفيه الفقير ..
    بس عمر الفقر ما كان عيب .. بالعكس الفقير يكوون اسعد واصفى من الغني ..
    وانت ما شاء الله عليك .. صرت مهندس اد الدنيا ..
    قصه راائعه واسلووب ارووع ..
    الله يصبرك على فقدان لمى ..
    =)

  5. #5
    الصورة الرمزية Bla_3nwan
    تاريخ التسجيل
    Dec 2006
    الدولة
    بلا عنوان
    الجنس
    أنثى
    المشاركات
    8,813
    الاهتمام
    القراءة
    معدل تقييم المستوى
    21
    SMS

    لك الحمد اني حزين حزين *** وجرحي يلوّن درب المدى ولولا الهدى ، ربنا واليقين *** لضاعت زهور الجراح سدى جراحي وماذا تكون الجراح*** أليست جراحي هدايا القدر

    افتراضي رد: تحت نعال المليونير


    مشكلة الانسان انه يدايما يقارن نفسه بالاكثر منه مال وجاه وقوه ومكانه

    ما يقارن نفسه بالاعلى علم وخلق والاهم دين :(

    الدنيا ما تستاهل اننا نكره احد عشاناها ،، هذي ارزاق قسمها الله

    ومالنا غير الرضا ،، ومحاولة تحسين اوضاعنا بكل قناعه

    وعلى فكره مو كل الاغنياء يفكرون بهالتفكير ،، فيه ناس تخاف الله

    وتعرف حق الناس وتعرف الصالح من الطالح ،، وفيه اغنياء يفضلون يزوجون بناتهم

    لفقراء المال ،، اذا كانوا اغنياء الخلق والدين والعلم :)

    /

    اسلوب جميل لا يخلو من بعض التشاؤم والنظره السوداويه للامور

    بانتظار عودتك ايها الراقي :)
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

    وحشتوووووووووووني

  6. #6
    ادارة الصورة الرمزية شجــون
    تاريخ التسجيل
    Dec 2004
    الدولة
    شــرفات الورود
    الجنس
    أنثى
    المشاركات
    30,548
    الاهتمام
    القراءة
    معدل تقييم المستوى
    46
    SMS

    اللهم اجعل القرآن الكريم ربيع قلبي وجلاء همي وحزني..

    افتراضي رد: تحت نعال المليونير

    مهما كثر المال يضل وسيلة للسعادة وليس كل السعادة
    قصة رائع فيها من الحكمة والتعقل والتفكير في
    الخطوة قبل الاقدام رغم سطوة الحب ورغبة
    التقارب
    اطيب الشكر أخي الكريم
    ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ


معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •